Товарен авион, кој летал од Обединетите Арапски Емирати кон Пакистан, вчера исчезнал над Арапското Море, објави „Анадолија“.

„Товарен авион ‘Боинг 737-400’ на авиокомпанијата K2 ервејс, кој летал од Шарџа кон Карачи, исчезна од радарите над Арапското Море, на околу 300 километри западно од Карачи“, соопшти Пакистанската управа за аеродроми.

Според властите, во 21:21 часот по локално време, авионот бил забележан на радар како нагло губи висина, при што истовремено направил и ненадејна промена на правецот.

Набргу потоа бил изгубен и радарскиот и радио-контактот со леталото, на приближно 155 наутички милји западно од Карачи.

По инцидентот, надлежните служби започнале координирана акција за пребарување и спасување, во која се вклучени повеќе институции, со цел да го пронајдат исчезнатиот авион.

Според соопштението, во авионот имало петмина членови на екипажот.

Преживеан во падот на пакистанскиот авион: Сите викаа и плачеа, сите почнаа да се молат (ВИДЕО)