Кошаркарите на 16 јули ќе ги дознаат ривалите од втората рунда претквалификации за ЕП 2029
По завршувањето на првата фаза од претквалификациите за Евробаскетот 2029 и квалификациите за Светскиот куп 2027, Светската кошаркарска федерација (ФИБА) го направи првиот чекор кон формирањето на групите за втората рунда од претквалификацискиот циклус.
Препорачано
Само еден ден по комплетирањето на квалификациите за Светскиот куп 2027, ФИБА ги распореди осумте национални селекции кои не успеаја да се пласираат во следната фаза од мундијалските квалификации.
Согласно актуелниот ФИБА рејтинг, тие се распределени во четири натпреварувачки групи, во кои ќе им се приклучат и четирите репрезентации што успешно ја минаа првата рунда од претквалификациите за Евробаскетот 2029.
Во групата „Д“ своите места веќе ги имаат Данска и Романија, во групата „Е“ ќе играат Швајцарија и Велика Британија, во групата „Ф“ се Кипар и Австрија, додека во групата „Г“ се најдоа Белгија и Чешка.
Конечниот изглед на групите ќе биде познат по ждрепката која ќе се одржи на 16 јули во Минхен, кога ќе бидат распределени и четирите победници од првата претквалификациска рунда – Македонија, Словачка, Бугарија и Норвешка.
Победниците на четирите групи ќе обезбедат директен пласман во квалификациите за Евробаскетот 2029.
Распоред на досега формираните групи:
Група Д
Данска
Романија
Победник од првата претквалификациска рунда
Група Е
Швајцарија
Велика Британија
Победник од првата претквалификациска рунда
Група Ф
Кипар
Австрија
Победник од првата претквалификациска рунда
Група Г
Белгија
Чешка
Победник од првата претквалификациска рунда
