Македонскиот фудбалер Леонид Игнатов се претвори во херој на Вележ, откако со гол во судиското продолжение му донесе реми на босанскиот тим против Милсами во првиот натпревар од квалификациите за Конференциската лига.

Игнатов доби шанса од клупата за резерви, влегувајќи во игра во 65. минута на местото на Месиќ, а во втората минута од судиското надополнување ја затресе противничката мрежа и постави конечен резултат.

Ова беше прв погодок на македонскиот фудбалер во дресот на Вележ, а воедно и исклучително важен, бидејќи му овозможи на својот тим да избегне пораз пред реваншот.

По ремито на домашен терен, Вележ ќе отпатува во Молдавија без резултатска негатива, каде за седум дена ќе се бори за пласман во следното квалификациско коло.