Американскиот актер Лук Вилсон (54), познат по улогите во филмовите „Телевизиски водители“ (Anchorman) и „Правно русокоса“ (Legally Blonde), за првпат стана татко.

Вилсон и неговата партнерка Кендал Јејтс (24) добија ќерка, потврди магазинот „Пипл“. Неколку дена по раѓањето на бебето, двојката заедно присуствувала на прием по повод промоцијата на новата хумористична серија на Нетфликс во која глуми актерот. Кендал ја носела новородената ќерка во носилка, а парот ја запознал со гостите и со колегите на Вилсон.

Лук Вилсон и Кендал Јејтс се во врска веќе неколку години, но својот приватен живот го држат далеку од очите на јавноста.

Актерот уште во 2007 година изјави дека сака да има деца, а во интервју од 2021 година призна дека приближувањето кон педесеттата година го натерало да размислува за животот и иднината.

Лук е помладиот брат на актерите Овен и Ендру Вилсон, кои исто така се родители.

Овен Вилсон го сменил телефонскиот број кога дознал дека Варуни е бремена