По присуството на свадбата на Тејлор Свифт и Тревис Келси, Џенифер Лопез отпатува во Париз, каде што го привлече вниманието со своите модни комбинации.

Пејачката и актерка, која неодамна наполни 56 години, неделава присуствуваше на Модната недела во Париз, а за вечерното излегување со пријателите избра долга црна кадифена тоалета со длабоко деколте, кое го истакна нејзиниот изглед.

Фустанот со кратки ракави беше дополнет со широк кожен ремен, сандали со ремчиња и елегантна клач-чанта. Косата ја носеше пуштена и права, а изгледот го заокружи со минимален накит.

Следниот ден папараците ја фотографираа при излегување од хотелот во уште едно впечатливо модно издание – црни бермуди, бел горен дел со пердуви во стил на јакна и црн градник.

„Сестрите го освојуваат Париз“, напиша Лопез покрај фотографиите што ги објави со својата сестра Линда Лопез.

Очигледно е дека француската престолнина ѝ годи на Џенифер Лопез, која годинава неколкупати престојуваше во Париз. Минатиот месец таа беше специјална гостинка на настапот на диџејот Дејвид Гета, со кого се појави на сцената.

Лопез беше и меѓу бројните познати личности што присуствуваа на свадбата на Тејлор Свифт и Тревис Келси. За свечената пригода избра долга црна тоалета која го истакнуваше нејзиниот струк и се ширеше во раскошно здолниште.

 

View this post on Instagram

 

A post shared by Jennifer Lopez (@jlo)

Откриени шокантните пораки што Тејлор Свифт ѝ ги испраќала на Блејк Лајвли во судската битка против Џастин Балдони: „Овој кловн паѓа на сè“