По драматичниот пресврт и пласманот на Аргентина во четвртфиналето на Светското првенство, сопругата на Лионел Меси, Антонела Рокуцо, му упати емотивна порака на социјалните мрежи.

Аргентина го совлада Египет со 3:2, иако до 79. минута имаше негатива од два гола. Во финишот следуваше неверојатен пресврт, а Меси го постигна вториот гол за својата репрезентација и стигна до 21. погодок во историјата на Светските првенства.

По натпреварот, Антонела објави семејна фотографија на која позира со Меси и нивните три сина – Тијаго, Матео и Чиро.

„Те сакаме, Меси. Повторно заедно“, напиша таа покрај фотографијата.

 

View this post on Instagram

 

A post shared by Antonela Roccuzzo (@antonelaroccuzzo)

Ова не е првпат Антонела јавно да му даде поддршка на својот сопруг. По претходниот натпревар против Австрија, кога Меси испиша нова страница во историјата на Светските првенства и стана најдобар стрелец на мундијалите, таа му посвети уште една емотивна објава.

„Каква привилегија е да те гледаме како одново испишуваш историја“, напиша тогаш Антонела, на што Меси ѝ одговори кратко: „Те сакам.“

Љубовната приказна на Лионел Меси и Антонела Рокуцо започнала уште во детството во нивниот роден град Росарио. Јавноста за нивната врска дозна во 2009 година, а тие се венчаа во 2017 година. Денес се родители на тројца синови – Тијаго, Матео и Чиро, а Антонела редовно е најголемата поддршка на Меси на најважните натпревари на аргентинската репрезентација.

Меси комбинира два рекорда — најдобар стрелец, но и најлош пеналџија на мундијалите