Норвешкото кралско семејство се обедини во прослава откако нивната фудбалска репрезентација обезбеди историско место во осминафиналето на Светското првенство во фудбал со победа над Бразил. Меѓу навивачите првпат по трансплантацијата на белите дробови, се појави и норвешката принцеза Мете-Марит.

По победата на норвешката репрезентација на првенството во САД, норвешкиот двор сподели серија фотографии на Инстаграм на кои се прикажани членовите на кралското семејство како срдечно ја бодрат репрезентацијата. Иако вестите за здравјето на кралот и кралицата во последните месеци беа загрижувачки, овој спортски успех послужи како момент за враќање на принцезата Мете-Марит во јавноста, по нејзината тешка операција минатиот месец.

 

View this post on Instagram

 

A post shared by HELLO! Magazine (@hellomag)

Опоравувањето на принцезата

Принцезата Мете-Марит (53) и принцот Хакон (53) го гледаа натпреварот од Кралската палата во Осло, додека кралот Харалд и кралицата Соња (89) навиваа од нивниот летниковец. И покрај објавената фотографија на која принцезата изгледа ведро, норвешките медиуми објавуваат дека таа сè уште не е официјално отпуштена од болница по трансплантацијата на белите дробови. Принцезата од 2018 година  се бори со хронична белодробна фиброза, поради што во некои прилики морала да носи и цевка за кислород.

Вирална средба во Њу Џерси

Додека родителите навивале од татковината, принцезата Ингрид Александра (22) и принцот Свере Магнус (20) го претставувале семејството на стадионот во Њу Џерси. По победата од 2:1 над Бразил, која ја предводеше Ерлинг Халанд, братот и сестрата се симнале во соблекувалната за да им честитаат на фудбалерите. Посебно внимание привлече моментот во кој принцезата Ингрид Александра срдечно го прегрна голиот Халанд, што кралската палата го забележа како симбол на заеднички триумф.

Проблемите и скандалите на Мете-Марит

Мариус Борг Хоиби, 29-годишниот син на норвешката принцеза Мете-Марит, пред три недели беше осуден на четири години затвор откако беше прогласен за виновен за две точки од обвинението за силување.

Мариус Борг Хоиби е најстариот син на Мете-Марит, кој го доби од претходна врска и е посинок на норвешкиот престолонаследник Хакон.

Членовите на кралското семејство се популарни во Норвешка, но проблемите на Борг Хоиби со законот фрлија сенка врз нивниот имиџ, како и обвинувањата за бројните контакти на неговата мајка Мете-Марит со осудениот американски сексуален предатор Џефри Епстин, одговорен за подведување, силување и други форми на сексуално насилство врз стотици девојчиња и жени.

На норвешката принцеза ѝ пресадија бели дробови, кралското семејство минува низ тежок период

Норвешкото обвинителство бара седум години затвор за синот на принцезата, обвинет за силување

Здравјето на норвешката принцеза Мете-Марит се влошува, може да ѝ требаат нови бели дробови