Поранешната македонска кошаркарка Едина Муса ги информираше своите следбеници на социјалните мрежи дека денеска ја очекува шеста операција на коленото.

Пред зафатот, таа објави видео од последниот тренинг, откривајќи дека повторно ќе мора да направи пауза со физичките активности поради повредата.

„Ова е последниот тренинг пред операција, моја шеста операција на коленото, благодарение на сите тие напорни тренинзи кои ги имав во Америка.

Малкумина од вас знаат дека кога игравме финале со Струга, на првата утакмица го повредив менискусот, и притоа играв уште две утакмици повредена, односно не можев да трчам, имав болки, имав сецкање во коленото.

При вежби со тежина немам никаков проблем, меѓутоа сум тотално ограничена за какво било трчање, менување на правец, таа што уживам во овие моменти пред операција, за која го спремив телото“, рече Муса.

Утрово таа сама пристигна во болницата, а на својот инстаграм-профил објави сторија со слика од самата себеси и се пошегува на своја сметка.

„Кој иде на операција пешки со ранче (ха, ха)“, напиша таа.

Подоцна сподели и фотографија од болничкиот кревет, додавајќи: „Ако ништо друго, овие два дена ќе си ја дочитам книгата“.

Муса е позната по тоа што редовно тренира и води активен животен стил, а и за време на бременоста остана физички активна. По породувањето брзо им се врати на тренинзите, но сега ја очекува период на закрепнување по новата операција на коленото.

МАМАВИЗИЈА | Едина Муса: Имам вдлабнатина од царскиот рез, ама тоа не е важно откако станав мајка