ВИДЕО | Од отпушоци до тест за овулација — уметник собирал ѓубре од свадбата на Тејлор Свифт, па го продавал
Њујоршкиот уметник Џастин Жињак собирал ѓубре од улиците околу „Медисон Сквер Гарден“ во Њујорк на денот на свадбата на Тејлор Свифт и Тревис Келси, а потоа го нудел на продажба, наоѓајќи многу заинтересирани купувачи.
Препорачано
Жињак решил да ја искористи можноста и да профитира од огромниот интерес на јавноста и обожавателите за оваа свадба, па затоа понудил на продажба отпад од настанот, вклучувајќи предмети како што се опушоци од цигари и тест за овулација, пишуваат странските медиуми.
На денот на свадбата, 3 јули, Жињак се облекол во смокинг и наместо да присуствува на самата свадба, ги заобиколил бариерите на периметарот на „Медисон Сквер Гарден“, каде што се одржувала свадбата, и собирал ѓубре.
@newyorkcitygarbage There’s garbage on the floor after the party. Collected from the edge of a love story outside Madison Square Garden, as close to Taylor & Travis’ big day as you could’ve gotten without an invite. This is the debut of Pocket Garbage, so you can carry a piece of the greatest day of your… I mean, their lives, wherever you go. #taylorswift #tayvis #taylorswiftwedding #taylorswifttraviskelce ♬ Welcome To New York (Taylor’s Version) – Taylor Swift
Тој пронашол, меѓу другото, здробени лименки, отпушоци од цигари, сламки за пиење, една безжична слушалка, капачиња од шишиња за вода, остатоци од лижавчиња, полициска лента, парчиња прибор за јадење, па дури и тест за овулација за планирање бременост.
Жињак ги спакувал овие остатоци во мали, проѕирни коцки и понудил 50 парчиња на продажба преку интернет по цена од 25 долари (22 евра) по парче и ги продал сите за помалку од 24 часа.
Се вели дека главните муштерии биле претежно најверните обожаватели на Тејлор Свифт.
За време на продажбата, тој нагласил дека предметите не биле ѓубре од самата свадба, туку ѓубре пронајдено во близина на местото каде што се одржал настанот.
View this post on Instagram
