Весна Петрушевска-Бејби раскажа за малку ќе доживеала кражба во Дебар Маало, откако некој ги отворил вратите од нејзиниот автомобил.

Таа на „Инстаграм“ ја раскажа најновата непријатна случка. Актерката, во свој препознатлив стил, со доза сарказам и хумор раскажа дека иако уредно си платила паркинг, некој очигледно решил да ѝ испрати „порака“ дека паркирањето не ѝ е силна страна.

„Ако сакате да се паркирате во Дебар Маало, нема проблем. Јас се паркирав уредно, си платив паркинг место и, верувале или не, на враќање, јас и Мина си ја затекнавме колата со четири врати отворени!
Дали тоа беше опомена дека можеби ние сме се паркирале на погрешно место? Затоа што, знаете дека нешто паркинзите не ми одат многу од рака. Но, следниот пат се надевам дека на дрво ќе ја најдам колата. Сите врати ми беа отворени. Ништо не зеле луѓето, ама веројатно така си рекле: ’Ти тука, девојче, не можеш да паркираш!‘“, рече Весна на Инстаграм.

За среќа, инцидентот поминал без материјална штета или кражба.

Дека паркирањето на Весна Петрушевска има своја историја, говори и инцидент кој се случи во 2017 година, на кој самата актерка алудира во својата најнова изјава.

Во декември во 2017, тогашниот автомобил на актерката заврши директно во коритото на реката Вардар. Додека Весна беше на проба во Македонскиот народен театар (МНТ), нејзиниот автомобил, паркиран на приодот зад театарот, почнал сам да се движи по удолницата. Возилото ја пробило заштитната ограда, се и паднало директно во реката.

За среќа, автомобилот бил празен, па немаше повредени, а возилото подоцна беше извлечено со специјален кран.
Весна Петрушевска таа со денови тераше шега на своја сметка, изјавувајќи дека „на нејзиниот автомобил едноставно му било топло и сакал да се капе во Вардар“. Петрушевска дури сними и реклама на слична тема.