Американската телевизиска академија ги објави номинациите за наградите „Еми“ за 2026 година, а најголем фаворит е медицинската драма „Пит“ со вкупно 25 номинации. Веднаш зад неа е комичната серија „Трикови“ со 24 номинации, што претставува нов рекорд за еден ситком, пренесува „Холивуд репортер“.

Меѓу новите наслови, најмногу се издвои серијата „Заливот на вдовиците“, која собра 19 номинации и со тоа стана најуспешниот дебитант оваа година.

Покрај фаворитите, двоцифрен број номинации освоија: „Еден од многуте“ (18 номинации), „Кавга“(16 номинации), „ДТФ Св. Луис“ (13 номинации), „Во живо во сабота навечер“ (11 номинации) и „Спајдер-Ноар“ (11 номинации).

Овогодинашните Еми награди ќе ги води Маришка Харгитај, ѕвездата на долгогодишната серија „Закон и ред“.

Церемонијата на доделување на наградите ќе се одржи на 14 септември, додека наградите „Еми“ за креативни уметности, каде што се доделуваат најголем број награди, ќе се одржат на 5 и 6 септември.

Харгитај е првата водителка на „Еми“ по речиси две децении која не е првенствено позната по своите комични улоги. Таа освои „Еми“ во 2006 година за нејзината улога како детективката Оливија Бенсон во гореспоменатата серија, која влегува во својата 28-ма сезона оваа есен.

Покрај тоа што е водителка на церемонијата, Харгитај е меѓу номинираните. Нејзиниот документарец „Мојата мајка Џејн“, посветен на мајката на Џејн Менсфилд, освои три номинации – за најдобар документарен специјал, најдобра режија и најдобра фотографија.

Академијата објави видео во кое ги претставува сите годинешни номинации: