Поради интервенција во водоводната мрежа, без вода утре од 8:30 часот до завршување на интервенцијата ќе останат корисниците од улиците „Гемиџиска“ и „Филип Филиповиќ“ во општина Гази Баба, а во периодот од 8:30 до 14:30 часот можен е намален притисок или прекин во водоснабдувањето во делови од Бардовци, соопшти Регионалниот центар за управување со кризи (РЦУК) на Град Скопје.

Од РЦУК информираат и дека поради зафати на електродистрибутивната мрежа, утре без струја од 8 до 13 часот ќе останат корисниците во селата Рашче, Копаница и Бојане во општина Сарај, а од 8 до 14 часот, дел од корисниците на улицата „Богомилски поход“ во населбата Лисиче, во општината Аеродром.

Во периодот од 8 до 16 часот без струја ќе бидат дел од потрошувачите на улица „3“ и на улицата „Индира Ганди“ во Шуто Оризари, додека од 9:30 до 14:30 часот прекин во снабдувањето со електрична енергија ќе има за дел од корисниците на улиците „Пробиштипска“, „Стоби“, „Мице Козар“ и на улицата „Виа Игнација“ кај зградата број 8, во населбата Ѓорче Петров.