Остин Ривс и Леброн Џејмс поминаа пет сезони заедно во дресот на Лос Анџелес Лејкерс, каде што изградија блиска врска. Џејмс уште рано го препозна талентот на Ривс и го зеде под свое крило.

Затоа, заминувањето на Џејмс од Лејкерс најтешко му падна токму на Ривс. Тој минатата недела му испрати порака на Џејмс откако дозна дека четирикратниот НБА шампион ќе го напушти клубот.

„Му испратив порака и му кажав дека имав одличен ден на голф-теренот, сè додека тој не ми го расипа“, изјави Ривс за „California Post“.

По елиминацијата на Лејкерс во второто коло од плејофот против Оклахома Сити Тандер во мај, Ривс зборуваше за својот однос со Џејмс и за тоа како двајцата изградиле пријателство и надвор од кошарката.

„Ме научи на многу работи. Му должам многу. Секој ден ми влеваше самодоверба“, рече Ривс.

Ривс, кој е голем љубител на голфот во прошталната порака до Џејмс минатата недела, напиша:

„Ти благодарам за сè. Се гледаме наскоро на голф-теренот, брате.“

Austin Reaves says farewell to longtime Laker teammate LeBron James with a nod to hit the links 😂

Reaves called LeBron a teammate in all 5 seasons of his NBA career 💜 pic.twitter.com/4AoMA3FyhR

— SportsCenter (@SportsCenter) July 1, 2026

Џејмс сè уште нема објавено каде ќе ја продолжи кариерата. Додека, Ривс има намера да потпише нов четиригодишен договор со Лејкерс вреден 185 милиони долари.

Ривс сега ќе мора да настапува без поранешниот соиграч кој неодамна му го „расипа денот“.

ВИДЕО | Богдан Богдановиќ има нов клуб во НБА