Шпанскиот фудбалски репрезентативец Ламин Јамал (18) изјави дека е воодушевен што го гледа Лионел Меси како му пркоси на времето и продолжува да има главна улога на ова Светско првенство.

39-годишниот Меси и репрезентативецот на Франција, Килијан Мбапе моментно со по осум гола го делат првото место во трката за Златната копачка.

Аргентинецот имаше извонреден настап во епскиот пресврт на неговиот тим од 3:2 против Египет во осминафиналето.

– Неверојатно. Сите знаат кој е Меси, но никој не очекуваше дека ќе игра на толку високо ниво. Навистина сум среќен за него – изјави Јамал за шпанскиот весник „Ел Мундо Депортиво“.

Јамал, кој го наследи култниот дрес на Меси со број 10 во Барселона минатата сезона, рече дека е среќен што ги гледа и другите негови идоли од детството на ова Светско првенство, Нејмар и Кристијано Роналдо кои го завршија настапот.

Шпанија денеска од 21:00 часот ќе го игра четвртфиналниот меч против Белгија. Јамал кој со националниот тим во 2024 година успеа да стана европски првак, со нетрпение го очекува новиот предизвик на Мундијалот.

– Навистина се радувам да покажам што сме способни како тим и што сум способен јас. Се надевам дека натпреварот против Белгија ќе биде одличен за целиот тим, вели Јамал.