Македонскиот саксофонист Горан Папаз и неговата сопруга Наташа прославија четири години брак, а по тој повод музичарот сподели емотивна порака на социјалните мрежи, посветена на својата животна сопатничка.

Папаз и Наташа на крајот на 2024 година станаа родители на тројка, а покрај нив, семејството го сочинува и неговиот син од претходна врска. Иако, како што самиот признава, изминатата година и пол им била исполнета со непроспиени ноќи и многу обврски околу децата, тој вели дека токму овој период е најубавиот во неговиот живот.

„Тоа што година и пол не сме спиеле, не значи дека овие четири години не се најубавите од мојот живот.

Те сакам бескрајно! Ти си мојата инспирација, мојата принцеза, мојата симпатија.

Овие фотографии се еден мал дел од нашиот (многу) исполнет живот. Среќна 4-ка од брак, ти си мојата љубов и најголемото ДА потврдено во секој животен предизвик“, напиша Папаз.

Објавата беше проследена со семејни фотографии, на кои парот споделува моменти од заедничкиот живот со своите четири деца.

ФОТО | „Раце полни љубов и среќа”: Горан Папаз и сопругата го прославија првиот роденден на трите дечиња