Фудбалската репрезентација на Франција го победи Мароко со 2:0 во четвртфиналето на Светското првенство благодарение на головите на Мбапе и Дембеле. И покрај победата, „Триколорите“ покажаа ранливост, додека Мароко разочара и не пружи очекуван отпор. Франција продолжува понатаму со помалку напор од очекуваното.

Натпреварот беше решен толку рано што селекторот на Франција, Дидие Дешан почна да прави измени 20 минути пред крајот, давајќи им можност на играчите кои немаа многу минути на Мундијалот.

Севкупно, впечатокот е дека Франција не е непобедлива, пишува „Марка“ под наслов „Добри вести за Шпанија, Франција не доминира“.

Така, шпанските спортски медиуми ја „мотивираат“ Белгија бидејќи веќе најавуваат полуфинале меѓу Франција и Шпанија, иако Шпанците сè уште не го одиграле четвртфиналето против Белгијците вечерва од 21.00 часот.

Франција ќе се соочи со победникот од тој натпревар во вторник во полуфиналето на СП.