Двајца членови на организираната криминална група „Беланоца“ се уапсени во албанскиот град Драч, во заедничка акција на македонската полиција, американската Дипломатска-безбедносна служба (ДСС) и полицијата на Албанија, информираат од Министерството за внатрешни работи (МВР).

Уапсени се М.Џ. (26) од Скопје и С.Н. (34), роден во Норвешка. По двајцата биле распишани меѓународни потерници од Интерпол за низа тешки кривични дела, меѓу кои: убиство и убиство во обид, тешка телесна повреда, недозволено изработување, држење и тргување со оружје или распрскувачки материи и злосторничко здружување.

Од МВР велат дека кај уапсените биле најдени фалсификувани документи со кои најверојатно избегале од Македонија.