Мојот сопруг седеше до прозорецот. Беше врзан со сигурносен ремен, но половина од неговото тело заврши надвор од авионот. Маските паднаа, никој не можеше ништо да направи, изјави сопругата на 61-годишниот српски државјанин кој во текот на лет на компанијата „Рајанер“ за малку не излета од авионскиот прозорец. Инцидентот се случи откако дел од моторот се одвоил, а неговите делови разбија еден од прозорците во авионот. Беше објавена и фотографија од патникот кој сега е хоспитализиран во болница во Солун и е надвор од животна опасност.

Целата стресна ситуација почна кога во воздух дошло до расипување на моторот. Авионот полета од Солун за Минхен 40 минути пред да се случи инцидентот. Патниците најнапред слушнале силен тресок, после што пукнал прозорецот а еден од патниците почнал борба за живот. Откако се одвоил дел од моторот, неговите фрагменти го искршиле прозорецот. Поради големата разлика во притисокот, се создала силна вшмукувачка сила која го вовлече патникот од седиштето низ прозорецот со половина од телото надвор од авионот.

Сопругата на патникот што седела до него, во емисијата „Лајв њуз“ изјави дека таа и уште двајца патници успеале да го задржат и да го вратат назад во кабината.

Тројцата го влечевме назад во авионот. Сите плачеа, настана паника. Маж ми трипати се онесвести, рече таа.

На снимките што ги направија некои од патниците со телефоните, се гледа како во тие драматични моменти се обидуваат да си помогнат еден на друг. Пилотот постапил според процедурите и веднаш побарал дозвола за принудно слетување на аеродромот „Македонија“ во Солун додека членовите на кабинскиот екипаж се обидувале да ја смират паниката која владеела во авионот. Авионот безбедно слета во Солун а патниците се евакуирани. Патникот што беше повреден, и кој до половина излета низ прозорецот, како и луѓето што му помагаа да преживее, се пренесени во болница. Тој седел на местото 11Ф.

-Авионот нагло губеше висина. Сите бевме убедени дека паѓаме. После тоа човекот повеќе пати се онесвести. Главата му беше крвава од стаклото што се разлета кога испука прозорецот, ја опишува застрашувачката сцена патничка.

BREAKING: Ryanair passenger reportedly saved from being sucked out the cabin after window fails during a flight from Thessaloniki to Memmingen.

According to local media Ryanair flight FR1879, a Boeing 737-8AS, returned safely to Greece on Friday after part of a damaged engine… pic.twitter.com/YPgRodjPFp

— Breaking Aviation News & Videos (@aviationbrk) July 10, 2026

ВИДЕО | Паника во авион од Солун — се скршил прозорец во кабината, повреден е патник