Велика Британија депортираше двајца Бугари обвинети дека шпионирале за Русија, објави „Факти.бг“.

Се работи за козметичарката Вања Габерова и за поранешниот борач познат под прекарот „карпата“ – Иван Стојанов. Нивен таргет бил новинарот Христо Грозев од „Белингкет“ за кого имало план или да го киднапираат или да го убијат.  Грозев на социјалната мрежа „Икс“ коментираше дека „посакува некој да се помачел и да ги информирал жртвите за одлуката“.

Just found out that2 of the spies who last year received long sentences in Britain for spying on me and @Dobrokhotov and plotting to kidnap or murder us, have been set free by the UK after serving their mandatory half-sentence. I wish someone had bothered to inform the targets.

— Christo Grozev (@christogrozev) July 8, 2026

Габерова и Стојанов се дел од шестчлена група на бугарски државјани кои беа уапсени за шпионажа во полза на Русија. Лидер на групата се смета дека е Орлин Русев. Останатите тројца се Бисер Џамбазов, Катрин Иванова и Тихомир Иванчев.

Истрагата покажа дека Русев предводел шпионска ќелија, примал задолженија од Јан Марсалек, поранешен извршен директор на „Вајркард“ кој избега во Русија во 2020 година по банкротот на германската фирма.

Групата е обвинета дека шпионирала новинари, дисиденти, Украинци, воени локации, и за дискусии околу планирани напади. Габерова и Стојанов се осудени на 6 и на 5 години затворска казна, додека останатите добија меѓу 8 и 10 години. Но, двајцата откако отслужија половина од казната, беа депортирани во Бугарија.

Се чини дека Габерова и Стојанов се ослободени од затвор рано, пишува „Факти.бг“.

„Слободен печат“ веќе пишуваше како според Обвинителството, планот бил да му се постави „медена стапица“ на бугарскиот наградуван новинар Христо Грозев, па дури и да го грабнат, за да престане да пишува за разузнавачките активности на Русија. Првичниот план, според обвинителите, бил да се намами 64-годишниот новинар во врска со 30-годишната Вања Габерова, вработена во салон за убавина во Лондон која сега е депортирана.

Руски агент, бугарски шпион и фатална убавица во „медената стапица“ за новинарот Грозев