Македонија ќе ја води истрагата за Србинот што излета до половина од авионскиот прозорец на „Рајанер“
Кога Боингот 737 на „Рајанер“ се врати во Солун со сериозно оштетен десен мотор и скршен прозорец, многумина претпоставија дека Грција ќе ја води главната истрага. Авионот полетал од грчки аеродром и безбедно се вратил таму, и останува во Солун за детален технички преглед.
Препорачано
Но, Националниот одбор за безбедност во транспортот на САД (NTSB), соопшти дека е назначен акредитиран претставник за да ѝ помогне на Република Северна Македонија во истрагата за овој сериозен инцидент.
The NTSB has appointed an Accredited Representative to assist the Republic of North Macedonia with its investigation into the Ryanair accident over North Macedonia, Friday.
Per international protocols under the International Civil Aviation Organization’s Annex 13, all…
— NTSB Newsroom (@NTSB_Newsroom) July 10, 2026
Безбедносната истрага ја спроведува државата на чија територија или во чиј воздушен простор се случила несреќата или сериозниот инцидент. Во меѓународната терминологија, ова се нарекува „држава на настанот“.
Според достапните информации, инцидентот на летот FR1879 се случил над Северна Македонија. Поради тоа, таа држава ја спроведува истрагата, иако авионот полетал од Солун и се вратил во Солун.
ВИДЕО | Паника во авион од Солун — се скршил прозорец во кабината, повреден е патник
