Поради тоа што Иран продолжи да напаѓа танкери во Ормутскиот Теснец, САД синоќа воведоа нови санкции кон оваа држава. Санкциите се кон главниот финансиер на новиот врховен лидер на Иран, ајатолахот Моџтаба Хамнеи, како и кон уште 13 лица.

Првиот човек што ќе се соочи со санкциите од САД е иранскиот банкар и претприемач Али Ансари, кој има фирми во Дубаи. Претходно него го санкционираше и Велика Британија зашто ја финнасирал Иранската револуционерна гарда.

Канцеларијата за контрола на странски средства (ОФАК) при американското Министерство за финансии, исто така, таргетираше три менувачници со седиште во Иран и странски „параван компании“. Овие субјекти годишно префрлале трилиони долари во име на санкционирани ирански банки, служејќи како фиктивни организации за прикривање на нелегалните активности на владата.

САД преземаат решителни мерки за да ги прекинат финансиските врски што ја одржуваат владејачката елита на Иран. Таргетирајќи ги овие мрежи, САД директно ја нарушуваат способноста на режимот да пристапува до странска валута и да спроведува меѓународни финансиски активности, изјави портпаролот на Стејт департментот, Томи Пигот.