Во главниот град на Германија Берлин, во моментов се спроведува полициска операција, затоа што маж држи жена во супермаркет како заложник, објавија светските медиуми. Полицијата соопшти дека полициската операција трае од 22 часот, бидејќи во супермаркет на улицата Хилдбургхаузер во Мариенфелде маж зел жена за заложник.

Нашите службеници се во контакт со мажот. Операцијата моментално е во тек. Сè уште сме присутни во Мариенфелде со нашите специјални сили и единици на полицијата за разбивање демонстрации. Поставена е широка зона на оградување. Ве молиме, избегнувајте го оградениот простор. Не постои опасност за локалните жители, соопшти полицијата.

Seit kurz nach 22 Uhr läuft ein Polizeieinsatz in einem Supermarkt in der Hildburghauser Str. in #Marienfelde wegen einer Geiselnahme. Ein Mann hat dort eine Frau in seine Gewalt gebracht. Unsere Einsatzkräfte stehen im Kontakt mit dem Mann. Der Einsatz dauert derzeit noch an.… pic.twitter.com/nPhj8u15kW

— Polizei Berlin (@polizeiberlin) July 10, 2026

Мотивот за оваа вознемирувачка ситуација е непознат. Полицијата не даде коментар за информацијата што се појави дека менаџерот на супермаркетот видел нож кај сторителот што ја држи жената како заложник, ниту пак дали таа има повреди.

-Дефинитивно видов дека има нож и излегов, изјави тој за германскиот медиум АПТ.

Видео материјали објавени на социјалните мрежи прикажаа вооружени полициски службеници во заштитна опрема на влезот на супермаркетот.