Турски државјанин вчера на радар е уловен како возел со брзина од 203 километри на час на автопатот „Пријателство“ во гевгелиско. Тој е лишен од слобода. Возилото било со германски регистарски таблички, а ограничувањето на брзината било 120 километри на час.

На 10 јули 2026 година, во 15 часот на автопатот „Пријателство“ кај село Милетково, гевгелиско, полициски службеници од СВР Струмица-ОВР Гевгелија лишија од слобода турскиот државјанин Ј.Ц.(46). При контрола на патниот сообраќај со радар, полициските службеници констатирале дека Ј.Ц. управувал патничко возило „мерцедес“ со германски регистарски ознаки со брзина од 203 километри на час, на место каде со сообраќаен знак брзината на движење е ограничена на 120 километри на час. Тој бил исклучен од сообраќај и за настанот е запознаен јавен обвинител од Основното јавно обвинителство Гевгелија. Против него е поднесена соодветна пријава, соопштија од МВР.