Холивудскиот актер Бред Пит и неговата партнерка Инес де Рамон беа меѓу гостите на натпреварот меѓу Шпанија и Белгија на Светското првенство во фудбал, кој се одигра на стадионот „СоуФај“ во близина на Лос Анџелес.

Двојката мечот го следеше во друштво на актерската двојка Пенелопе Круз и Хавиер Бардем.

Шпанија славеше со 2:1, а Инес де Рамон беше облечена во боите на шпанската репрезентација и имаше исцртано шпанско знаме на лицето, додека Бред Пит носеше дрес на Соединетите Американски Држави.

Бред Пит и Инес де Рамон се во врска од 2022 година, а во последните години сè почесто се појавуваат заедно на јавни настани. Според американските медиуми, тие веќе живеат заедно и водат мирен семеен живот далеку од очите на јавноста.

Шпанија со победата над Белгија обезбеди пласман во следната фаза од Светското првенство, каде што ќе се соочи со Франција.