Урош Зорман по жрепката: Словенија е фаворит, не ги отпишуваме Македонците
Машката сениорска ракометна репрезентација на Македонија во четвртокот со жрепка ги дозна противниците во квалификаците за пласман на Европското првенство 2026 во Данска, Шведска и Норвешка.
Нашата селекција е во квалификациската група „1“ заедно со Словенија, Литванија и Естонија.
Квалификацискиот циклус ќе го стартуваме на домашен терен со натпреварот против Естонија. Целиот распоред на мечеви можете да го погледнете ТУКА
Селекторот Кирил Лазаров верува дека Македонија има реални шанси да се пласира на следниот континентален шампионат.
Свој коментар за квалификациската група имаше словенечкиот селектор Урош Зорман:
– За време на жрепката избегнавме некои тимови од вториот барабан, кои дефинитивно се повисоко рангирани од Македонија. Но, тоа не значи дека можеме само да ги отпишеме Македонците. Репрезентациите од третиот и четвртиот барабан носат малку комплицирани патувања со нив, но можеме да бидеме задоволни со жрепката. Ние сме фаворити во групата, но оваа улога ќе треба секојпат да ја оправдуваме со настап на теренот – вели Зорман.