Јавното претпријатие „Улици и патишта“ информира дека е поставена нова вертикална сигнализација за еднонасочен сообраќај на улицата „Белградска“ во Скопје, над Клинички центар, кај Тасино Чешмиче. Новиот режим се однесува на делот од улицата што се движи од булевар „Мајка Тереза“ кон улицата „Димче Мирчев“.

– Изминатиот викенд, екипи на ЈП Улици и патишта ја поставија новата сигнализација согласно основниот сообраќаен проект, со што официјално се воведува еднонасочен сообраќај на оваа сообраќајница – стои во соопштението.

Од претпријатието апелираат до сите учесници во сообраќајот внимателно да го следат и почитуваат новото сообраќајно решение, со цел да се избегнат несакани инциденти.