Советот на Општина Чашка, на својата последна 46-та седница одржана неделава донесе одлука еден милион денари од општинскиот буџет да бидат употребени за набавка на таблети на ученици од ООО „Тодор Јанев” Чашка и ООУ „Лирија” од Горно и Долно Јаболчиште.

Како што информира за МИА, градоначалникот Горан Стојановски таблетите ќе бидат наменети за 300 ученици од кои 250 од ООУ „Лорија” и 50 од ООУ „Тодор Јанев” а кои потекнуваат од социјално ранливи семејства, а поради тоа што немаат таблет или компјутер не си во можност да следат онлајн настава.

– Планираме таблетите да ги набавиме со новиот буџет,за 2021 година.Истовремено ќе направиме напор во соработка со операторите учениците да добијат и бесплатен интернет,најави градоначалникот Стојановски.

Таблетите за овие учебници ќе бидат набавени на почетокот на идната година,а учениците ќе ги добијат за наставата во второто полугодие најави Стојановски.

Извор:МИА