Една од најголемите ТВ ѕвезди на поранешна Југославија и поранешна „лото-девојка“ беше во центарот на скандал во 2005 година, кога во јавноста протекоа нејзините интимни снимки. Тогаш, како што вели, доживеала голем стрес и едвај собрала сила да се врати на сцената.

– Тој период од животот сакам да го заборавам, но не можам! Тоа е најстрашното нешто што ми се случило… Не излегував на улица. Роднините ми носеа леб, децата не одеа на училиште… Тоа ми е најтешкиот момент затоа што го изгубив достоинството… Луѓето ме сакаа до тогаш, а потоа ме гледаа со згрозување. Не бев виновна за да го трпам тој јавен линч, јавноста ме осуди, многу плачев, но времето си го направи своето и некако го надминав – раскажува Сузана и додава дека сето тоа сега е зад неа:

– Тој настан ме сопре во сè, но се собрав и сега ми изгледа како да сум го сонувала. Секој тежок животен настан ме натера да се пресоберам, да видам која сум и што сум, и да продолжам понатаму. Имав тешки моменти во животот, губење на родителите, развод, изгубив три сина, но сепак, најтешко ми беше кога излезе видеото… Но мораме да се навикнеме да се радуваме на убавите работи и да се помириме со лошите, да се помириме со загубата и да ја надминеме како знаеме и умееме…

Манчиќ со солзи зборуваше и за смртта на својот син.

– Првиот син го родив во шестиот месец и по два часа го изгубив. Штом се роди детето, докторката ми рече: „Немојте да се надевате.“ Во такви ситуации човек мора да биде силен. Ја ценам искреноста и ѝ бев благодарна што така отворено ми кажа и не ме залажуваше. Докторите ми рекоа дека досега би имала три сина, но имав спонтани… Јас сум некој што ги потиснува лошите работи и лошите спомени. Тоа е судбината на жената – добива и губи, но треба да гледа напред и да се помири со загубата. Потоа ми се роди ќерката Теодора, па втората ќерка Наталија, која се роди во Москва, пред време, во седмиот месец, и два месеци беше во болница… Ќерките ми се прекрасни и можам да кажам дека сум среќна жена! – изјави Манчиќ за „ТВ Блиц“, пренесува „Информер“.

Сузана прави сè за да го забави стареењето.

– Се борам со времето и тоа е многу тешко. Никој сè уште не го победил времето, но барем малку да го забавам и да ги сопрам годините. Многу внимавам на изгледот, не ги избегнувам третманите за подмладување, но тоа го правам со мера и секогаш го бирам најдоброто. Немојте да одите каде што ќе ви дадат попуст, а ќе ве унаказат! – заклучи Манчиќ.

Инаку, ќерката на Сузана, Теодора Куниќ, неодамна стапи во брак со генерал кој е 23 години постар од неа, а Манчиќ не го крие задоволството од изборот на својата ќерка, и покрај големата разлика во години.