Водата во Струга е безбедна за пиење и забраната за нејзина употреба се укинува, соопшти попладнево струшкото јавно претпријатие „Водовод и канализација“, врз основа на последните анализи на примероците од водата од изворот Шум. Надлежните утврдиле дека „матноста на водата е во граница на нормалата“.

„Според најновите анализи на Центарот за јавно здравје – Охрид, извршени на примероци од водата во водоводниот систем на градот, водата во Струга е безбедна за пиење. Врз основа на официјалните резултати од анализите, матноста и останатите параметри на водата се во рамките на дозволените граници, со што се укинува претходната препорака за ограничена употреба на водата за пиење“, објави Општина Струга на социјалните мрежи.

Како се снаоѓа Струга со загадената вода?