Денеска ја дознавме и втората полуфиналистка на грен слем турнирот „Ролан Гарос,“ Ига Швјонтек која во четвртфиналето со резултат 2:0 триумфираше против Мартина Тревизан.

За точно 80 минути игра полската натпреварувачка ја оправда фаворитската улога против Италијанката славејќи со 6:3 и 6:1.

Teen Queen ?@iga_swiatek shines bright under the lights reaching a first career slam semi-finals ending Trevisan's run 6-3 6-1.#RolandGarros pic.twitter.com/8Yhiz2ghV4

— Roland-Garros (@rolandgarros) October 6, 2020

Иако Тревизан прва стигна до брејк, но потоа доминираше само нејзината противничка и со серија гемови го обезбеди местото во полуфиналето на Отвореното првенство во Франција. За првпат во нејзината кариера е во Топ 4 најдобри тенисерки на грен слем турнирите.

На претпоследната пречка Швјонтек ќе се соочи против Аргентинката Надја Подороска која претходно забележа триумф против Елина Свитолина (Украина).

САД дефинитивно ќе имаат своја претставничка во полуфиналето, Дениел Колинс ќе ги одмери силите против Софија Кенин, а победничката од тој дуел ќе игра против Петра Квитоа (Чешка) или Лаура Зигемунд од Германија.