Шумахер префрлен на тајно лекување во Париз, има проблеми со срцето?
Седумкратниот Формула 1 шампион Михаел Шумахер во понеделникот вечерта е пренесен од Женева во болницата „Жорж-Помпиду“ во Париз на тајно лекување, пренесува весникот „Ле Паризиен“. Германецот со возило на итна помош со женевски регистарски таблички е донесен на одделот за интензивно следење при кардиоваскуларна хирургија на „Жорж-Помпиду“ болницата во Париз.
Шумахер бил однесен на носилки кои биле прекриени со темно сина прекривка, за да не се види неговото лице, ниту телото, а го следело обезбедување од десетина луѓе, кои внимавале на секој детал за да не протечат некакви информации.
Michael Schumacher admitted to Paris hospital for 'secret treatment' – Le Parisien https://t.co/DCLiNXWrsk pic.twitter.com/dxugTLn55H
— Reuters (@Reuters) September 9, 2019
Михаел Шумахер се повреди на скијање на 29 декември 2013 година во Мерибел а француските Алпи. Лекарите го ставија Шумахер во индуктивна (вештачка) кома за да го спречат отекувањето на мозокот, и по шест месеци го разбудија од кома. Рехабилитацијата ја продолжи во Гренобл, а потоа и во својот дом на Женевското езеро.
Михаел и понатаму не може да оди и да стои, но според поранешниот шеф на Ферари, Жан Тод, оваа година состојбата е далеку подобра но седумкратниот Ф1 шампион сè уште не може да комуницира.