Француската обвинителка Лаура Беко денеска изјави дека финансиската штета од деценискиот грабеж во неделата на најпознатиот музеј во светот, Лувр, се проценува на 88 милиони евра.

Околу 60 инспектори бараат група која извршила невиден грабеж сред бел ден, објави france24.

Беко изјави дека кураторот на музејот ја проценил загубата, но дека крадците не можеле да ги добијат тие пари ако успеат да ги продадат вредните предмети, затоа што тие се познати низ цел свет. Единствено може да го стопат или да го расклопат украдениот златен накит и другите скапоцености и артефакти.

Грабежот на музејот се случи на 19 октомври и траеше помалку од осум минути.

Украдени се  дијадеми, синџири, обетки, брошеви и девет скапоцени камења што им припаѓале на Наполеон и на царицата Евгенија. Два од нив веќе се пронајдени – оштетената крунаа на Евгенија и уште еден предмет.

Францускиот претседател Емануел Макрон изјави дека сторителите ќе бидат фатени и изведени пред лицето на правдата.

ВИДЕО | Грабеж во Лувр: Најпосетуваниот музеј во светот привремено затворен