Владата „опипува“ околу Зијадин Села и дали тој би бил подготвен да стане дел од неа, а за оваа можност „се комуницира на повеќе нивоа“, откри вечерва еден од лидерите на Вреди, Изет Меџити, во интервју за телевизијата „24“.

„Постои опција Зијадин Села да ѝ се приклучи на Владата. Вратата му е подоотворена, комуницираме на различни нивоа“, рече Меџити.

Тој најави дека во најавената реконструкција во Владата ќе има и смена на ресори, но и дека Вреди нема ништо против Арбен Фетаи да остане соработник на Владата. За Фатмир Лимани, Меџити беше воздржан, иако лидерот на Беса и иден копретседател на Влен со Меџити, Биљал Касами, најави дека Лимани нема да биде ниту дел од Вреди, ниту пак ќе добие поддршка од Беса да остане министер.

„Ќе има личности кои ќе бидат на црна листа за во влада, но засега е рано да кажам детали бидејќи не сме разговарале со премиерот“, вели Меџити.

Техничката влада се укинува зашто државата се вратила во нормала по владеењето на Груевски, вели Меџити