Група научници од Државниот универзитет во Кампинас разви производ направен од мед и лушпи од зрна какао, кој може да се јаде или да се додава во храна и козметика. Тие го презентираа во списанието „ACS Sustainable Chemistry & Engineering“.

Истражувачите користеле мед од домашни пчели како јадлив растворувач за да екстрахираат стимуланси како теобромин и кофеин, кои се поврзани со здравјето на срцето, од лушпите на зрната какао. Овие лушпи обично се фрлаат за време на производството на чоколадо и други производи од какао.

Процесот на екстракција со помош на ултразвук, исто така, го збогатил медот со фенолни соединенија, кои имаат антиоксидантни и антиинфламаторни својства, пишува „Физ.орг“ (Phys.org).

Бил тестиран мед од пет видови кои се наоѓаат во Бразил: бор (Tetragona clavipes), затаи (Tetragonisca angustula), мандасаја (Melipona quadrifasciata), мандагвари (Scaptotrigona postica) и моса-бранка (Frieseomelitta varia). Мешунките од какао беа обезбедени од Канцеларијата за координација на сеопфатна техничка помош (CATI) на Министерството за земјоделство и снабдување на државата Сао Паоло во Сао Хозе до Рио Прето.