Поранешниот батлер на принцезата Дијана, Пол Бурел, тврди дека принцот Вилијам „многу повеќе се оддалечил од Хари отколку што луѓето мислат“ додека се подготвува да стане крал. Според него, ривалството меѓу браќата останува неразрешено и веројатно нема да се поправи наскоро, пренсува „Фокс Њуз“.

Бурел ја опишува ситуацијата во својата нова мемоарска книга, „The Royal Insider“, каде детално зборува за својата кариера во британското кралско семејство и за случувањата зад дворските врати.

„Патот на Вилијам е многу различен од оној на Хари. Колку што се приближува до тронот, мора да остане изолиран. Мора да биде во свет кој е затворен и заштитен. Не може да си дозволи информациите да излезат во јавноста. Да си крал значи да ја контролираш околината и да ја штитиш круната“.

Бурел додава дека Вилијам ја штити својата фамилија од можни нови информации од внатрешноста што ја дополнително зацврстува оддалеченоста со брат му.

„Нашата почината кралица прво ја ставаше круната. Тоа беше најважното во нејзиниот живот – круната, народот, Комонвелтот. Вилијам гледа поинаку, на прво место го става семејството, сопругата и децата, па потоа круната. Но, круната мора да се заштити“.

Бурел додава дека „вековната кралска историја мора да се заштити, а тоа ќе биде во рацете на Вилијам. Не може да си дозволи да се расипе додека тој ја контролира“.

И покрај тоа што Хари изјави дека сака помирување со семејството, Бурел е песимист: „Не мислам дека наскоро ќе има помирување, можеби некогаш. Премногу зборови се изговорени, премногу „валкана алишта“ се појавија во јавноста – тоа е непоправливо“.