Познато кога Ѓоковиќ би можел да го надмине најголемиот рекорд на светскиот тенис

Новак Ѓоковиќ наскоро ќе дознае дали ќе игра на „Австралија опен 2022“/Фото: EPA-EFE/Alessandro Di Marco

Најдобриот тенисер на светот Новак Ѓоковиќ ја започна 353 недела на првото место на АТП листата така што само продолжи да го подобрува сопствениот рекорд.

На најновата АТП листа немаше промени и тоа нема да се менува ни во следните неколку недели.

По седмипат во својата кариера српскиот ас Ѓоковиќ ја завршува годината на светскиот врв и го надмина рекордот на идолот од детските денови, Американецот Пит Сампрас.

Сега на Ноле му преостанува да го надмине рекордот на легендарната германска тенисерка Штефи Граф која е апсолутна рекордерка со 377 недели поминати на врвот на женскиот тенис.

Ѓоковиќ на 13 јуни 2022 година би можел да се израмни со Граф, а потоа и постави нов рекорд во историјата на овој спорт.

Моментно Србинот има 11,540 бодови, односно 2,900 повеќе од второпласираниот на АТП, Русинот Данил Медведев.

Ѓоковиќ е спортист на годината во Европа

Видео на денот