Првиот тенисер на АТП ранг-листата, Новак Ѓоковиќе избран за најдобар спортист во Европа за 2021 година во изборот кој го направија 64 новински агенции.

Изборот традиционално го организира Полската национална новинска агенција (ПАП), а Ѓоковиќ кој годинава триумфира на три грен слем турнири, победи со освоени 172 гласа. Ова е четврто признание во кариерата за Ѓоковиќ, откако претходно победи и во 2011, 2015 и 2018 година.

Novak Djokovic is European Sportsperson of the Year for the 4th time in his career (2011, 2012, 2015). He is followed by Robert Lewandowski (Bayern Munich) and F1 champion Max Verstappen.

— Nikolaus Fink (@NikolausFink) December 26, 2021

Второто место му припадна на минатогодинешниот фудбалер на Баерн Минхен и на полската репрезентација, Роберт Левандовски кој освои 133 поени, додека како трет заврши новиот Формула 1 шампион, Макс Ферстапен кој доби 125 поени.

Во топ 10 во изборот на европските новински агенции се најдоа уште и норвешкиот атлетичар Карстен Вархолм (112 поени), холандската атлетичарка Сифан Хасан (94), словенечкиот велосипедист Тадеј Погачар (79), грчкиот кошаркар Јанис Адетокумпо (55), италијанскиот спринтер Марсел Ламонт Џејкобс (51), шведскиот атлетичар Арманд Дуплантис (29) и норвешката нордијка Тереза Јохауг (28).