Американскиот рапер и актер Ексзибит откри кои се тајните поради кои неговата мачка Тандер Кет живее повеќе од две децении, одговарајќи на едно од прашањата што најчесто му ги поставуваат обожавателите.

Педесет и едногодишниот музичар, кој многумина го паметат како водител на култното шоу на Ем-ти-ви „Среди го мојот автомобил“ (Pimp My Ride), на Инстаграм објави видео во кое ја покажа секојдневната грижа за својата миленичка.

„Најчесто ме прашуваат како успеав да ја одржам жива толку долго. Еве го одговорот“, напиша тој во описот на објавата.

Ексзибит откри дека Тандер Кет е дел од неговиот живот уште од времето кога го снимал популарното телевизиско шоу во раните 2000-ти години.

„Таа помина низ сè. Луѓето постојано ме прашуваат како живее толку долго. Пред сè, ја сакам мојата мачка“, рече тој.

 

View this post on Instagram

 

A post shared by XZIBIT (@xzibit)

Според него, долгото животно доба се должи на внимателната нега. Тандер Кет добива комбинација од сува и влажна храна, а повремено, како награда за добро однесување, добива и омилена конзервирана храна.

Покрај тоа, добива и грицки, а поради претходни проблеми со бубрезите и тироидната жлезда редовно прима инфузии, кои ги администрира ветеринар.

Ексзибит призна дека не очекувал неговата мачка да стане толку популарна меѓу обожавателите.

„Луѓето ја сакаат мојата мачка речиси колку што ја сакам јас. Постојано ми испраќаат подароци поврзани со неа. Никогаш не очекував дека ќе стане толку омилена“, изјави раперот.

ВИДЕО | Херој на неделата — цело маало во Канада се заклучило дома поради мечка, ситуацијата ја реши маче