Пред да стане сопруга на британскиот престолонаследник и најфотографираната жена во светот, принцезата Дијана замислувала сосема поинаква иднина. Таа не сонувала за палати, титули или кралски протоколи. Сакала да танцува, и тоа професионално. Да „постигне нешто“ во светот на уметноста.

Оваа нејзина желба ја открило писмото што го напишала кога имала само 17 години, а кое неодамна повторно стаса во јавноста. Во неколку едноставни реченици, може да се види тинејџерка која нема претстава дека наскоро ќе стане глобална икона, жена чиј секој потег и движење ќе го следат милиони луѓе. И токму затоа ова писмо денес изгледа речиси трогателно – бидејќи покажува колку поинаков можел да биде животот на принцезата Дијана.

Новата аукција откри емотивно писмо што принцезата Дијана го напишала на само 17 години, во кое признава дека нејзината најголема желба била да стане професионална танчарка.

Писмото од 1979 година, напишано две години пред кралската венчавка со тогашниот принц Чарлс, се продава на аукција, а неговата вредност е проценета на околу 5.400 долари. Во него, тогаш тинејџерката Дијана искрено пишувала за своите соништа и семејството, откривајќи ја нежната и повлечена страна што подоцна ќе го освои светот.

„Отсекогаш сум го сакала тоа и се надевам дека еден ден ќе успеам“, ѝ напишала Дијана на својата пријателка Милдред Лејси, зборувајќи за својата љубов кон танцувањето.

Писмото е напишано откако Милдред му пишала на таткото на Дијана, грофот Џон Спенсер, посакувајќи му брзо закрепнување по мозочниот удар. Дијана во одговорот ѝ се заблагодарила во име на целото семејство и открила дека сите со нетрпение го очекуваат неговото враќање дома.

Особено внимание привлекол делот во кој Дијана го споменува и помладиот брат Чарлс Спенсер, за кого вели дека е „многу висок и зрел за четиринаесетгодишно дете“.

Иако како девојче сериозно тренирала балет, Дијана со текот на времето станала превисока за професионална танцова кариера. Сепак, љубовта кон танцот никогаш не исчезнала. Дури и по влегувањето во кралското семејство, таа продолжила да танцува и со години соработувала со приватната учителка по танц Ен Алан.

– Танцот ѝ беше во душата. Се гледаше колку танцот ѝ значи и колку ѝ помага емотивно да се ослободи – рекла Алан во документарецот „Дијана: Со сопствени зборови“.

Дека љубовта кон танцот останала дел од семејната традиција потврдува и фактот дека нејзините внуки, принцезата Шарлот и принцезата Лилибет денес се занимаваат со танц.

Новооткриеното писмо уште еднаш потсетува колку Дијана, пред титулите и кралскиот живот, била обична девојка со соништа, емоции и желба за слобода.

Принцот Вилијам проговори за најлошата година од својот живот и откри во која фаза е болеста на Кејт Мидлтон

Шише шампањ од свадбата на принцезата Дијана и принцот Чарлс оди на аукција, се очекува да достигне цена до 80.000 евра