Орбан најави договор со Синофарм: Чекавме да видиме како ќе помине вакцинацијата во Србија
Премиерот на Унгарија, Виктор Орбан денеска изјави дека Будимпешта можеби ќе потпише договор за купување на кинески вакцини против коронавирус денеска или утре и додаде дека земјата чекала да види како ќе помине масовната вакцинација со кинеската вакцина во Србија.
Србија на почетокот на јануари доби милион дози кинески вакцини од Синофарм и така стана првата европска земја која започна програма на масовна вакцинација со таа вакцина, пренесува Ројтерс.
Орбан за државното радио рекол дека тој самиот ќе ја избере кинеската вакцина, бидејќи на неа најмногу и верува.
Унгарија така би станала првата земја членка на ЕУ која би ја примила кинеската вакцина ако ја одобрат унгарските власти, а минатата недела стана и првата држава во ЕУ која ја купи руската вакцина „Спутник V“
Првата испорака на Синофарм би можела да содржи милион дози. Орбан рекол дека Унгарија би можела да вакцинира околу 1,7 милиони луѓе до март.