Одличен оброк во летните денови – Подгответе си крем супа од сладок компир
Состојки:
100 грама кромид
500 грама благ компир(батат)
250 грама бело пилешко месо
50 грама масло за јадење
малку сол
црн бибер
мешан сув зеленчук
500 милилитри вода
500 милилитри павлака за готвење
Подготовка:
Во тава на оган ставете малку масло за јадење а потоа во него додадете го ситно исечканото бело пилешко месо. Додадете сол и црн бибер и продолжете да го пржите околу 10 минути. Вака подготвеното месо, извадете го од тавата и тргнете го на страна. Во истата тава, на истото масло, кратко пропржете го ситно исечканиот кромид и бататот кој сте го исечкале на коцки. Намирниците зачинете ги со црн бибер, сол и мешан сув зеленчук.Оставете ги намирниците кратко да се пропржат а потоа во нив, додадете го потребното количество вода. Оставете го бататот комплетно да се свари. Откако ќе омекне, со рачен блендер убаво измиксирајте ја смесата. Откако крем супата ќе стане компактна, во неа додадете ја павлаката за готвење. Варете уште неколку минути. На крај, вратете го во садот и претходно прженото бело месо. Со тоа крем супата е готова.