Одбојкарките на Турција го изненадија олимпискиот шампион, Србија лесно со Доминиканска Република
Женската одбојкарка репрезентација на Турција со победа го започна настапот на Олимписките игри во Токио. Во првото коло во рамките на групата Б, турските одбојкарки ја декласираа Кина која е олимписки шампион во три сета и тоа со 25:21,25:14,25:14.
Шампионките од Рио де Жанеиро не успеаја да ги загрозат Турчинките кои доминираа во секој сегмент од одбојкарската игра. Кинеските одбојкарки се заканија само во првиот сет кога освоија 21 поен, додека во наредните два сета освоија по 14 поени. Ебрар Каракурт со 18 поени беше најдобра кај Турција каде се истакна и Еда Ердем Дундар со 13 освоени поени.
Актуелните светски и европски шампионки, одбојкарките на Србија со убедлива победа го започнаа настапот на Игрите во Токио. Избраничките на селекторот Зоран Терзиќ во рамки на групата А со 3:0 во сетови и тоа со 25:18,25:12,25:20 ја совладаа Доминиканска Република.
Сигурен настап имаа и одбојкарките на Италија и на САД. Италијанките предводени од Паола Егону во три сета ја совладаа Русија, додека САД исто така во три сета ја победи Аргентина.