Одбојкарската репрезентација на Македонија доживеа пораз од 3:2 во сетови и тоа со сета 25:22, 25:17, 23:25,19:25, 15:13 на гостувањето кај Романија во рамки на второто коло од Европската сребрена лига.
Одбојкарите губеа со 2:0 во сетови, успеаја да се вратат и да се изборат за одлучувачки петти сет во кој по голема борба загубија со 15:13.

Избраниците на селекторот Ратко Павличевиќ лошо го започнаа мечот во Галати и по два сета имаа негатива од 2:0, но во третиот сет заиграа далеку подобро и најавија дека нема лесно да се предадат.

Иако губеа се до финишот од сетот, македонските одбојкари успеаја да направат пресврт и да слават со 23:25. Одличната игра продолжи и во наредниот сет кој одбојкарите го добија со 19:25 и се изборија за одлучувачки петти сет во кој немаа сили да направат целосен пресврт и на крајот загубија со 15:13.

Капитенот Никола Ѓоргиев беше најдобар со 11 освоени поени, додека кај Романија се истакна Адриан Ачобаниети со исто така освоени 11 поени.