Ники Минаж поради плагијат на колешката мора да и исплати отштета од речиси половина милион долари
Пејачката Ники Минаж (38) и Трејси Чепмен (56) и ставија крај на тешката судска битка која трае од 2018 година, која настана поради тоа што раперката во својата песна „Sorry“, неовластено користела дел од песната „Baby Can I Hold You” од кантавторката Чепмен од 1988 година.
Пејачките се спогодиле, а Минаж на Чепман сега мора да и исплати 450.000 долари отштета, со што е завршена правната битка која траеше две години, пишува Дејли Мејл.
Трејси песната ја сними во 1988 година, а делови од текстот и мелодијата ги препознала во песната на популарната раперка Ники Минаж. Кантавторката потоа поднела тужба за кршење на авторските права поради песната „Sorry“ од 2018 година.
„Песната „Sorry“ за малку не влезе во албумот на Минаж „Queen“. Минаж и нејзините менаџери поднесоа повеќе барања за лиценцирање на песната „Sorry“ во текот на летото во 2018 година, иако Минаж веќе ја сними својата верзија „без побарана дозвола и лиценца“, беше наведено во обвинението.
Трејси ги одби барањата, и по бараната отштета судот пресуди во нејзина корист.