Надал нема да ја брани титулата на „УС Опен“
Најдобриот шпански тенисер одлучи поради пандемијата на коронавирус да не настапи оваа година на грен слем турнирот во САД.
Рафаел Надал преку социјалните мрежи ја информираше јавноста дека нема да игра на „УС Опен“ кој успеа да го освои минатата година.
Ова ќе биде првиот грен слем без Федерер и Надал уште од 1999 година. Рафа не се чувствува сигурно и го откажа учеството поради Ковид-19.
– После многу размислување одлучив да не играм на УС Опен. Здравствената ситуација во целиот свет е комплицирана поради коронавирусот и моментно ништо не е под контрола. Веќе четири месеци не се игра тенис и тоа е лошо. Исто така дознавме и дека нема да се игра ниту во Мадрид. Ова е одлука која не ја донесов лесно, но го послушав срцето и одлучив дека во овој момент не можам да патувам – напиша Надал на „Твитер“.
Според најавите „УС Опен“ ќе се организира во периодот од 31 август до 13 септември 2020 година.
Tras pensarlo mucho he decidido no participar en el US Open de este año. La situación sanitaria sigue muy complicada en todo el mundo con casos de COVID-19 y rebrotes que parecen fuera de control.
Sabemos que el calendario de este año tras 4 meses sin jugar es una barbaridad pic.twitter.com/kLLne4yJB7— Rafa Nadal (@RafaelNadal) August 4, 2020