Шпанскиот тенисер Рафаел Надал обезбеди пласман во осминафиналето на Вимблдон откако во три сета го совлада Италијанецот Лоренцо Сонего.

Надал за нешто повеќе од два часа игра славеше со 6:1,6:2,6:4 и си закажа пресметка со Холанѓанецот Ботик ван де Зандшулп кој пак беше подобар од ветеранот Ришар Гаске.

Интересно е што Надал годинава нема пораз на гренд слем турнирите, тој триумфираше на Австралија Опен и на Ролан Гарос, а вечерва го одигра најдобриот меч на Вимблдон победувајќи во максимални три сета за перфектни 17-0 на гренд слем турнирите.

Шпанецот доминираше во првите два сета, а потоа организаторот одлучи во третиот сет при резултат 4:2 за Шпанецот да го затвори Централниот терен иако му требаа само два гема за триумф.

Паузата подобро му дојде на Сонего кој успеа да направи брејк и да израмни на 4:4, но Надал брзо се созеде направи брејк и го завери пласманот во осминафиналето.

Пласман во следната рунда обезбеди и Ник Кирјос кој во фантастичен меч успеа да го елиминира четвртиот носител Стефанос Циципас во четири сета и тоа со 6:7,6:4,6:3,7:6. Нареден противник на Кирјос ќе му биде Брендон Накашима кој го солвада Галан Риверос со 3:0 во сетови.