Надал го преживеа маратонот со Шаповалов и обезбеди полуфинале на Австралија Опен
Рафаел Надал се пласира во полуфиналето на Австралија Опен откако го голема борба и пропуштена предност од два сета, сепак на крајот успеа да го победи Денис Шаповалов со 6:3,6:4,4:6,3:6,6:3. Во женска конкуренција, Медисон Киз ќе игра во полуфиналето откако во два сета со 6:3,6:2 ја елиминира шампионката од Ролан Гарос, Барбора Крејчикова.
🗣️ “You guys are all corrupt!”
Denis Shapovalov has unloaded on the chair umpire in a stunning outburst on Rod Laver arena. 😳🤯#AusOpen – Live on Channel 9 and 9Now pic.twitter.com/BUdTxut1Fc
— Wide World of Sports (@wwos) January 25, 2022
Првиот сет го одлучи само еден брејк, тој на Надал во четвриот гем по што поведе со 3:1 и со сигурен сервис ја задржа предноста. Во вториот сет, Шаповалов влезе во расправија со судијата обвинувајќи го Надал дека одолговлекува и со тоа му го нарушува ритамот при сервирање. Поплаките не му помогнаа на канадскиот тенисер кој повторно загуби гем на свој сервис, и тоа седмиот кој се покажа како одлучувачки за освојување на сетот.
Not looking back 👀@denis_shapo fights back to level things up against Nadal, taking the fourth set 6-3.#AusOpen • #AO2022 pic.twitter.com/aAhsm8XrbL
— #AusOpen (@AustralianOpen) January 25, 2022
Во наредниот трет сет, Шаповалов конечно заигра подобро, прво пропушти две брејк топки, но потоа во десеттиот гем успеа да го одзеде сервисот на Надал и да намали на 2:1 во сетови.
Освоениот сет му даде крилја на Канаѓанецот и во четвриот сет веднаш направи брејк и поведе со 4:1 и откако успеа да спаси две брејк топки во деветтиот гем, го освои сетот и израмни на 2:2.
Во одлучувачкиот сет, прв се закани Шаповалов кој имаше брејк топка во првиот гем која не ја искористи. Казната стигна во наредниот гем, Надал направи брејк и потоа со сигурен сервис поведе со 3:0 со што конечно го скрши отпорот на Шаповалов. Канаѓанецот до крајот на мечот немаше ниту една брејк шанса и Надал обезбеди пласман во полуфиналето каде ќе игра со подобриот од дуелот Матео Беретини – Гаел Монфилс.
Кај дамите, Медисон Киз прва обезбеди полуфинале во Мелбурн откако со 6:3,6:2 ја елиминира шампионката од Ролан Гарос, Барбора Крејчикова.
Првиот сет беше решен со брејк на Киз во шестиот гем кога поведе со 4:2 и до крајот не и дозволи брејк шанса на Крејчикова. Во вториот сет, Киз на стартот направи два брејка за водство од 3:0 со што ги реши дилемите околу победникот .
Киз во полуфиналето ќе игра со победничката од дуелот Ешли Барти – Џесика Пегула.
Maddy’s moment 🙌 @Madison_Keys returns to the #AusOpen semifinals for the first time since 2015 by defeating Barbora Krejcikova 6-3 6-2.#AO2022
🎥 : @wwos • @espn • @eurosport • @wowowtennis pic.twitter.com/rhfAPTUne8— #AusOpen (@AustralianOpen) January 25, 2022
