Лука Модриќ ќе остане дел од Милан и во сезоната 2026/27. Искусниот хрватски играч за врска постигнал договор со италијанскиот гигант за продолжување на соработката, а според информациите на „Скај Спорт Италија“, наскоро ќе стави потпис на нов договор кој ќе важи до 30 јуни 2027 година.

Иако во Милан пристигна на 40-годишна возраст, Модриќ покажа дека и понатаму може да игра на највисоко ниво. Во својата прва сезона во дресот на „росонерите“ одигра 34 натпревари, постигна два гола и запиша три асистенции, оставајќи силен впечаток кај навивачите и стручниот штаб.

Неговото искуство и лидерски квалитети имаа значајно влијание врз играта на Милан, а неговото отсуство поради повреда се почувствува во самиот финиш од сезоната, кога тимот ја загуби трката за место во Лигата на шампионите.

Раководството на Милан е задоволно од придонесот на хрватскиот ветеран, па одлучи да ја продолжи соработката за уште една сезона, со што Модриќ ќе остане важен дел од тимот и во наредната натпреварувачка година.

ВИДЕО | Хрватска немаше среќа, Португалија преку драма до осминафинале