Украинката Елена Свитолина и Холанѓанката Кики Бертенс се последните тенисерки кои го откажаа настапот на УС Опен.
– Земајќи ги во предвид случувањата одлучив да не настапам на УС Опен. Ги разбирам и ги почитувам напорите кои УСТА, организаторот и ВТА ги вложија за да се одржи турнирот и да биде безбеден за сите учесници, но јас не сакам да ризикувам и да патувам во САД – порача Свитолина која се наоѓа на петтото место на ВТА ранг листата.

Од истите причини се повлече и седмата најдобра тенисерка, Кики Бертенс.
– Одлучив да не патувам во САД и да не играм на УС Опен. Ситуацијата со пандемијата на коронавирусот е понатаму е загрижувачка, а здравјето на сите е приоритет.

7/8/20*** https://t.co/IoNyruGUtp

— José Morgado (@josemorgado) August 7, 2020

Кај мажите најзвучно име кое го откажа настапот е актуелниот шампион на УС Опен, Рафаел Надал, додека за Федерер сезоната одамна е завршена поради двојната операција на коленото. Неговата одлука да не игра ја поздрави и вујко му Тони Надал.
– Одлуката на Рафа никого не изненади и е очекувана. Разговарав со него во последните недели, Рафа е внимателен и верувајте дека донесе паметна одлука. Кога состојбата е ризична, не сакате да бидете далеку од својот дом – изјави Тони Надал.

Поранешниот тренер на освојувачот на 19 грен слем титули објасни зашто тенисот е поризичен од фудбалот кој се врати на големата сцена.
– Тие спортови се различни, во фудбалот екипите ќе отпатуваат 24 часа пред натпреварот, ќе одиграат и потоа брзо се враќаат дома. Кога станува збор за тениските турнири, вие сте на едно место и таму може да останете и 25 дена. За тоа време лесно може да се заразите и разбирам зашто играчите не сакаат да ризикуваат.