Американскиот кантри пејач Морган Волен повторно се најде во фокусот на јавноста, но овој пат не поради инцидент што го предизвикал тој, туку од обожавател на неговиот концерт во Балтимор. Еден посетител обвинил човек дека уринирал врз неговото семејство во текот на настапот.

Трој Гревелдинг уживал во настапот на Морган со својата сопруга, братот и осумгодишната внука на стадионот „МиТ банк“ во саботата. Меѓутоа, нивната забава била прекината кога Гревелдинг и неговата сопруга наводно почувствувале како урина им прска по нозете. Кога Трој се свртел, видел маж кој наводно сè уште бил „откриен“.

Посетителот тврди дека мажот по инцидентот бил изнесен од обезбедувањето, но дека полицајците на сојузната држава Мериленд не можеле да го уапсат, бидејќи не биле сведоци на инцидентот. Меѓутоа, детектив од сообраќајната полиција на Мериленд реагирал на местото на настанот и го уапсил човекот пред станицата. Гревелдинг тврди дека истрагата е во тек.

🚨Wow! A man and his family go to a Morgan Wallen concert and some guy relieved himself on them😱

—Naturally he calls the police, but when they arrive they tell him they cannot arrest this man due to Maryland laws.

—He says, “so a man can pull out his____urinate on me, my… pic.twitter.com/MtOmvCgeti

— AmyLouWho (@perseverare1776) July 20, 2026

Гревелдинг верува дека неидентификуваниот маж бил под дејство на алкохол, а вели и дека зборувал многу гласно и ги вознемирувал другите посетители пред да уринира по нив.

Портпаролот на полициската управа рекол за „Ти-ем-зет“ дека се „свесни за инцидентот“ и за видеото на кое Трој се расправа со полицијата.

„Постои активна и отворена криминалистичка истрага за овој случај“, рекол портпаролот.

Новиот инцидент на концертот на славната личност следи по низа други сомнителни однесувања поврзани со користењето тоалети на концертите. Неодамна, на социјалните мрежи се прошири видео на кое, се чини, е прикажан измет размачкан на подот на салата во текот на концертот на Ноа Каан во Филаделфија минатиот месец. Славниот музичар се огласи по концертот и напиша на Икс: „Ако мора да вршите голема нужда на концерт, ве молам, само одете во тоалет.“

ВИДЕО | Папараци ги прогонуваа Дуа Липа и Калум Тарнер во Париз: „Ова е навистина непријатно и исцрпувачки“

ФОТО+ВИДЕО | Фудбал, гламур и спектакл за паметење – планетарниот џет-сет го „украде шоуто“ на финалето на Светското првенство